Aasman chookar dharti ki aur laut chali

Aaj in sapno ke par lage hai, Main aasma mein udne lagi
In hawao ne mera sath dia to, Main apne sapno se judne lagi
In parindo ne kuch to shararat ki hain, Main unke sang khilkhilane lagi
Badlon ke uper lautpot hokar, Main sitaron ko choone ka khwab sajane lagi

Chand bhi ab bohot door nhi, Main uski chandni se chamakane lagi
Sooraj k tez aakrosh k aage, Main bahein apni failane lagi
Aasman sang in athkheliyo mein, Ek surili si aawaz kano main goonjane lagi
Mano jese geet gakar, Meri dharti mujhe pukarne lagi

Ajeeb si talab thi us aawaz mein, Ki mera man machalne laga
Mano sab chhod chhadkar, Us pukar ki aur khichne lga
Maine jhatpat apne sapne samete, Un parindo se alwida liya
Chand, sitaron aur sooraj ki taraf dekhkar, Apni dharti ki or rukh mod liya

Gale lgakar mili jab apni dharti se, Usme kuch chamak si uthi thi
Yeh wahi sooraj aur chand ki roshni thi, Jo mujhe jagmaga uthi thi